tuda-e-ḳhak-e-badan ab-e-ravan ḳhuub hua
ab ke barsat men miTTi ka ziyan ḳhuub hua
aisa mahsus hua tu nahin raazi mujh se
be-yaqini ka mujhe tujh pe guman ḳhuub hua
ḳhusbu-e-ishq uḌi le ke paron par titli
jis ko chaha tha chhupana vo ayaan ḳhuub hua
koi jalta hua manzar to nahin tha lekin
haan magar raat suna hai ki dhuan ḳhuub hua
ek suraj ne mire jism pe kirnen rakh diin
aaj raushan mira tarik makan ḳhuub hua
Leave a Reply