tu raaz samjha nahin dard ki paheli ka
vo dastan thi miri naam tha saheli ka
dukhi hui miri ankhen thi tere ashkon se
ki rang halka paḌa tha kisi chameli ka
hansi mazaq men mash.hur tha ye shahr magar
kisi ne dukh nahin banTa tha us akeli ka
na jaane kaisi mohabbat men qaid ho ga.i huun
main roz dekhti huun da.era hatheli ka
vo dil ki sej pe ai ‘hadia’ biTha.ega
saja hai ḳhvab men kamra koi haveli ka
Leave a Reply