Tripurari
vo to mil kar bhi nahin milti hai
jaane kis dhun men raha karti hai
chuum leti hai mira matha jab
ek ḳhushbu si baras paḌti hai
soch leta huun use dam bhar ko
aur ye ruuh mahak uThti hai
main jise kah na sakunga hargiz
aaj vo baat mujhe kahni hai
log kahte hain mohabbat jis ko
sar-phiri bigḌi hui laḌki hai
apni duniya ke masa.il men vo
apni zulfon ki tarah uljhi hai
main nadi niind ki aur vo mujh men
ḳhvab machhli ki tarah rahti hai
Leave a Reply