tu jo abad hai ai dost mire dil ke qarib
meri manzil bhi hai goya tiri manzil ke qarib
duub jaate hain talatum men safine akasr
dubta aur hi kuchh baat hai sahil ke qarib
uth gaya duri-e-manzil ki thakan ka ehsas
raah kuchh aur kathin ho gai manzil ke qarib
maut har baar rihai men miri manea hui
le gai ziist to akasr mujhe qatil ke qarib
‘soz’ khud un ki khalish rashk-e-masihai hai
zakhm aise bhi shagufta hain mire dil ke qarib
Leave a Reply