Mirza Athar Zia
tu bhi ho ja.ega paani paani
pyaas hai meri purani paani
rah ke sahra men hara ho gaya main
mujh men bahne laga dhani paani
kahti jaati hai kahani koi
teri har aan ravani paani
tu to rahta hai miri ankhon men
tujh se kya baat chhupani paani
pyaas roke hue main baiTha tha
aur phir chiḳh uTha paani paani
main ne khincha tha hava par koi lafz
likhta hai jis ke ma.ani paani
meri ankhon se bhi ik baar nikal
dekhun main teri ravani paani
halq se zahr utarun ‘at.har’
la mire dushman-e-jani paani
Leave a Reply