Wasi Shah
to main bhi ḳhush huun koi us se ja ke kah dena
agar vo ḳhush hai mujhe be-qarar karte hue
tumhen ḳhabar hi nahin hai ki koi TuuT gaya
mohabbaton ko bahut pa.edar karte hue
main muskurata hua aa.ine men ubharunga
vo ro paḌegi achanak singhar karte hue
mujhe ḳhabar thi ki ab lauT kar na a.unga
so tujh ko yaad kiya dil pe vaar karte hue
ye kah rahi thi samundar nahin ye ankhen hain
main in men Duub gaya e’tibar karte hue
bhanvar jo mujh men paḌe hain vo main hi janta huun
tumhare hijr ke dariya ko paar karte hue
Leave a Reply