Poet
tirgi ki shiddat ko sub.h ka sitara likh
phailne hi vaala hai har taraf ujala likh
razm-e-gah-e-hasti men yuun bura na soch apna
dushmanon ke andar ke sulh jo ko achchha likh
naqsh-e-pa ke jangal men kya shumar raston ka
hai juda zamane se lekin apna rasta likh
be-hisi ka ye jaadu TuuT hi to ja.ega
is liye na qarye ko pattharon ka sahra likh
is nagar ke logon ko pahle baḳhsh bina.i
aur baa’d men ḳhud ko is nagar ka iisa likh
harf-e-zehn men ‘bedi’ rang se tahi kab hain
sirf tera kaghaz hai jo abhi hai saada likh
Leave a Reply