thoḌa sa mahaul banana hota hai
varna kisi ke saath zamana hota hai
sachcha sher sunane vaale ḳhatm hue
ab to ḳhali khel dikhana hota hai
aansu pahli shart hai is samjhaute ki
gham to sanson ka jurmana hota hai
lal-qile ki divaron par likhva do
dil sab se mahfuz Thikana hota hai
duniya men bhar-mar hai naqli logon ki
sau men koi ek divana hota hai
raat hamare ghar jaldi aa jaaya kar
hamen savere kaam pe jaana hota hai
aisi koi baat nahin mayusi ki
sach men thoḌa sa afsana hota hai
sab ki apni ek ikaa.i hoti hai
sab ka apna ek zamana hota hai
ham ne to un ko bhi luTte dekha hai
jin ke char-qadam par thana hota hai
aaj bichhaḌte vaqt mujhe ma.alum hua
logon men ehsas ka ḳhana hota hai
Leave a Reply