ḳhvahishen apni sarabon men na rakkhe koi
in havaon ko hababon men na rakkhe koi
chand lamhon ka ye jiina hai ghanimat jaano
zindagi apni azabon men na rakkhe koi
aaj har fard hai ik hasrat-e-ta.abir liye
ab ḳhayalat ko ḳhvabon men na rakkhe koi
kaam tahqiq ke unvan pe baḌhega kaise
gar savalon ko javabon men na rakkhe koi
ye bhi kya zid hai ki kanTon ko mahakne diije
ya.ani ḳhushbu ko gulabon men na rakkhe koi
nekiyan kitni hain ‘ejaz’ hisar-e-dil men
ḳhubiyan hon to ḳharabon men na rakkhe koi
Leave a Reply