rakhte hain mere ashk se ye dida-e-tar faiz
daman men liya apne hai dariya ne guhar faiz
pur-nur ajab kya hai kare mujh ko karam se
rakhti hai do aalam pe tiri ek nazar faiz
ik jaam pe bakhshe hai yahan rutba jism ko
kis ki nigah-e-mast se rakhta hai khumar faiz
mahrum nahin koi tire khvan-e-karam se
hai hasr khudai ka hi tujh pe magar faiz
‘chanda’ rahe partav se tire ya ali raushan
khurshid ko hai dar se tire sham-o-sahar faiz