thi qahr-e-sadgi bhi sanvarne se peshtar
shah-rag pe neshtar tha utarne se peshtar
phirta huun dar-ba-dar main magar misl-e-bu-e-gul
mera bhi tha maqam bikharne se peshtar
be-ashk kya hua ki main be-aks ho gaya
a.ina tha ye paani utarne se peshtar
hijrat se pahle hijr ke the vasvase mujhe
har lamha hadisa tha guzarne se peshtar
is naz-e-intizar ko ik umr ho chali
kaisi hameshgi hai ye marne se peshtar
Leave a Reply