Thi Lagan Sunte Teri Shokhi-E-Pa Ki Aahat

thi lagan sunte tiri shokhi-e-pa ki aahat

mujh ko chaunkati rahi bad-e-saba ki aahat

rat-bhar qafila yadon ka raha dil men muqim

kaan men aati rahi us kaf-e-pa ki aahat

chaap qadmon ki tire kaash sunai deti

pai-ba-pai aati hai ab paik-e-qaza ki aahat

‘qadri’ tez karo sham-e-yaqin tez karo

raat tarik hai aati hai bala ki aahat

Leave a Comment