tham ga.i vaqt ki raftar tire kuche men
aise sabit hua sayyar tire kuche men
manzar-e-bam sar-e-did nahin khulta hai
kuchh hai na-dida ka asrar tire kuche men
har talabgar ko hai hasil-e-guftar-e-sukut
na hai inkar na iqrar tire kuche men
a.ina shaam ka raushan ruḳh-e-mahtab se kar
aks chamke to ho didar tire kuche men
vaslat-e-kar baham ho ki hain jam.a din raat
pesha-e-hijr ke be car tire kuche men
nafa ke khel men samjha gaya tha taaq jise
vo ḳhasare men hai hoshyar tire kuche men
aḳhir-e-umr ne ki raunaq-e-bazar tamam
na dukan hai na ḳharidar tire kuche men
ek muddat se hai tartib men be-tartibi
na durusti ke hain asar tire kuche men
Leave a Reply