tha un ki tarah main bhi aghaz men sauda.i
baḌhne do junun yaran aa ja.egi dana.i
phir dil ka taqaza hai us shoḳh se kuchh kahiye
phir koh-e-tamanna par ik barq si lahra.i
a.in-e-zaban-bandi jis ahd men nafiz ho
is ahd men ḳhamoshi ho jaa.e hai goya.i
jab aag lagi ghar men tha kaun bujhane ko
ab tak to mila ham ko har shaḳhs tamasha.i
hushyari men ghaflat si ghaflat men bhi hushyari
hai tere qalandar men ik shan-e-shakeba.i
ḳhamosh khaḌa tha main sab qatl ke darpai the
jab ghaur se dekha to un men tha mira bhaa.i
din-bhar to shikare men ghume hain janab-e-shaiḳh
kahte hain dhara kya hai har-samt ba-juz kaa.i
Leave a Reply