Poet
tesha-ba-dast aa mire aazar tarash de
be-Dol hai bahut mira paikar tarash de
gar qumriyon ke naghme giran-bar hain tujhe
is rut men saare sarv sanobar tarash de
yuun uḌ ga.i hai bu-e-vafa us ki zaat se
jis tarah koi shaḳh-e-gul-e-tar tarash de
uḌna agar hai bad-e-muḳhalif ka dhyan rakh
aisa na ho ki tez hava par tarash de
kya mom ke badan ki haqiqat tire liye
tu chahe to nigahon se patthar tarash de
Leave a Reply