Bedam Shah Warsi

Teri Ulfat Shoabada-Parwaz Hai

teri ulfat shoabada-parvaz hai

aarzu gar hai tamanna-saz hai

phir hadis-e-ishq ka aghaz hai

aaj phir goya zaban-e-raz hai

ganj-e-asrar-e-azal hai bagh-e-dahr

patta patta daftar-e-sad-raz hai

jaan de di un pe aur zinda rahe

apne marne ka naya andaz hai

hoshiyar ai navak-afgan hushiyar

tair-e-jan mail-e-parvaz hai

rukhsat ai aql-o-khirad hosh-o-havas

shauq-e-vasl-e-yar ka aghaz hai

mere naale sun ke farmate hain vo

ye usi ki dukh-bhari avaz hai

jis ko sab samjhe hain dasht-e-karbala

vo to maidan-e-niyaz-o-naz hai

zarre zarre men ayaan hone ke baad

aaj tak raz-e-haqiqat raaz hai

aap janche majma-e-ushshaq men

un men ‘bedam’ sa koi jan-baz hai

More Poems

Leave a Comment