Muneer Niyazi
ek nagar ke naqsh bhula duun ek nagar ijad karun
ek taraf khamoshi kar duun ek taraf abad karun
manzil-e-shab jab tai karni hai apne akele dam se hi
kis ke liye is jagah pe ruk kar din apna barbad karun
bahut qadim ka naam hai koi abr-o-hava ke tufan men
naam jo main ab bhuul chuka huun kaise us ko yaad karun
ja ke sunun asar-e-chaman men saaen saaen shakhon ki
khali mahl ke burjon se didar-e-barq-o-bad karun
sher ‘munir’ likhun main uth kar sehn-e-sahar ke rangon men
ya phir kaam ye nazm-e-jahan ka shaam dhale ke baad karun
Leave a Reply