Teri Mahfil Mein Sitare Koi Jugnu Laya

terī mahfil meñ sitāre koī jugnū laayā

maiñ vo pāgal ki faqat aañkh meñ aañsū laayā

matl.a-e-jāñ pe kiran aisī numūdār huī

jaise koī tirī āvāz kī ḳhushbū laayā

mujh ko ik umr huī ḳhaak meñ tahlīl hue

tū kahāñ se mirī āñkheñ mire baazū laayā

in meñ koī nahīñ lagtā hai shanāsā chehra

‘rām’ kis ā.īna-ḳhāna meñ mujhe tū laayā

Leave a Comment