Teri Jo Zulf Ka Aaya KHayal Aankhon Mein

tirī jo zulf kā aayā ḳhayāl āñkhoñ meñ

vahīñ khaTakne lagā baal baal āñkhoñ meñ

tirī jo chashm ke goshe meñ til hai aisā til

nazar paḌā hai kahīñ ḳhaal ḳhaal āñkhoñ meñ

nashe meñ surḳh haiñ aisī tarah se tere chashm

goyā khilā hai kañval laal laal āñkhoñ meñ

vo ḳhush-nigah tirī ‘hātim’ nazar paḌā hai aaj

chhupā le us ke ta.iiñ haal haal āñkhoñ meñ

Leave a Comment