Nazar Se dil Mein Samane Wale Meri Mohabbat Tere Liye Hai

nazar se dil men samane vaale miri mohabbat tire liye hai

vafa ki duniya men aane vaale vafa ki daulat tire liye hai

khadi huun main tere raste men javan umidon ke phuul le kar

mahakti zulfon bahakti nazron ki garm jannat tire liye hai

siva tiri aarzu ke is dil men koi bhi aarzu nahin hai

har ek jazba har ek dhadkan har ek hasrat tire liye hai

mire khayalon ke naram paudon se jhank kar muskurane vaale

hazar khvabon se jo saji hai vo ik haqiqat tire liye hai