Poet
teri jafa hui ki jahan ka ghazab hua
ham par to jo sitam bhi hua be-sabab hua
is sa.at-e-sa.id ko kya naam dijiye
insan asir-e-vaqt ke zindan men jab hua
sho.ala-sifat hain raqs men apne chaman ke phuul
is alam-e-bahar men ye kya ghazab hua
shayad yahi mazaq-e-talab ki hai intiha
duniya-e-rang-o-bu men bhi dil be-talab hua
munsif ko maslahat ki zaban raas aa ga.i
go faisla hua magar insaf kab hua
us ko nasib ho na saka rishta-e-ḳhulus
jo qa.il-e-qaziya-e-hasab-o-nasab hua
jaari hai ek tirgi-o-raushni ki jang
jab se shu.ur-e-silsila-e-roz-o-shab hua
had-e-nigah tak kahin sho.ale kahin dhuan
ye ḳhak-o-ḳhun ka khel gulistan men kab hua
is hadse pe aap ka jo tabsira bhi ho
main ashna-e-mahfil-e-aish-o-tarab hua
kaise ho tum ko lazzat-e-azad jan-nasib
dushvar marhalon se guzarna hi kab hua
kitne aziim log tah-e-ḳhak ho ga.e
tu bhi hua jo ‘lais’ to phir kya ajab hua
Leave a Reply