teri chahat men mar ke dekhunga
kaam ye bhi main kar ke dekhunga
chhin sakta hai kaun mujh se tujhe
jaan hatheli pe dhar ke dekhunga
ghair mumkin hai chand ko laana
phir bhi koshish main kar ke dekhunga
teri ankhon men ḳhud ko pa.unga
ruḳh pe tere sanvar ke dekhunga
rakh ke ankhon men hijr ko tere
phir tasavvur men Dar ke dekhunga
ban ke ‘tahir’ main pyaar ki ḳhushbu
gird tere bikhar ke dekhunga
Leave a Reply