Akhlaq Ahmad Ahan
tiri ashnai se teri raza tak
miri baat pahunchi hai ab intiha tak
vo pahli nazar jis se ghayal hua tha
vo pahli ḳhata thi jo pahunchi ḳhata tak
tiri shoḳhiyon ne bhi jur.at baḌha di
yunhi haath mere na pahunche rida tak
kahan tak ta.aqub men phirta raha main
nishan tak zaban tak ada tak liqa tak
vo jaadu adaen adaon men jaadu
ye pahunchaen ham ko fana se baqa tak
abhi tak vo saz-e-sitam baj raha hai
jo pahuncha tha bhule se teri sada tak
Leave a Reply