Poet
teri ankhon ki kaifiyyat ko maikhane se kya nisbat
nigah ki gardishon ko daur paimane se kya nisbat
ye jiive hijr men vo vasl men bhi ji nahin sakta
takalluf-bar-taraf bulbul ko parvane se kya nisbat
ye vo moti hain jin ki sipiyan ankhen hain ashiq ki
mire aansu ko marvarid ke daane se kya nisbat
are dil mat tavaqqoa dilbaron se rakh tarahhum ki
lahu piite hain jo shakhs un ko gham khane se kya nisbat
gul us ka daagh hai aur sarv us ka ah-e-mauzun hai
‘yaqin’ se nauhagar ko baagh men jaane se kya nisbat
Leave a Reply