Tere Qarib Pahunchne Ke Dhang Aate The

tire qarib pahunchne ke Dhang aate the

ye khud-fareb magar raah bhuul jaate the

hamen aziiz hain in bastiyon ki divaren

ki jin ke saae bhi divar bante jaate the

satiz-e-naqsh-e-vafa tha taalluq-e-yaran

vo zakhma-e-rag-e-jan chhed chhed jaate the

vo aur kaun tire qurb ko tarasta tha

fareb-khurda hi tera fareb khate the

chhupa ke rakh diya phir agahi ke shishe ko

is aine men to chehre bigadte jaate the

ab ek umar se dukh bhi koi nahin deta

vo log kya the jo athon pahar rulate the

vo log kya hue jo unghti hui shab men

dar-e-firaq ki zanjir si hilate the

Leave a Comment