Masud Husain Khan
tere khone ka kis qadar gham hai
aaj aalam tamam mub.ham hai
dekhta huun nazar nahin aata
kaisa nairang chashm-e-pur-nam hai
dard Thahra hua sa hai dil men
sozish-e-gham bhi aaj kam kam hai
kitni viraniyan hain ankhon men
kitna pairon men raqs-e-paiham hai
dida-o-dil bujhe se jaate hain
kaisi ghamnak sham-e-matam hai
tum ne ‘mas.u’ ko bhi dekha hai
vo to afsurdagi mujassam hai
Leave a Reply