tire ḳhayal men jab zehn mubtala nahin tha
main sochta tha magar aisa sochta nahin tha
sada lagate rahe tujh ko Dubne vaale
koi bhi tere siva un ke paas tha nahin tha
zara tu soch ki un bam-o-dar pe kya guzri
siyah raat thi ghar men koi diya nahin tha
main apne aap se bahar nikal ke kya karta
koi bhi shahar men mere mizaj ka nahin tha
safina is liye gharqab ho gaya ‘danish’
tha jis ke haath men chappu vo naḳhuda nahin tha
Leave a Reply