tire iltifat ki baat thi tiri be-ruḳhi ke gile na the
tujhe shayad us ki ḳhabar to ho ki hamare honT sile na the
kisi ahl-e-dard se pochhiye zara is chaman ka mo.amla
vo chaman ki fasl-e-bahar men bhi jahan pe phuul khile na the
ye rah-e-talab ki masafaten kahin ḳhaar hai kahin daar hai
sar-e-ku-e-yar khaḌe the yuun ki qadam hamare hile na the
bhala arz-e-gham se guzar ke bhi kabhi tum se koi gila kiya
ye junun-e-ishq ke tazkire to miri vafa ke sile na the
jo adu ko bazm hui to kya vo kuchh is tarah hain gurez-pa
kisi raah men kisi moḌ par kabhi jaise ham se mile na the
Leave a Reply