Dfa Cf Dd F Fbebdca
tire firaq men jo aankh se ravan hua hai
vo ashk-e-ḳhun hi mire gham ka tarjuman hua hai
hai jaane kya pas-e-divar a.ina jis par
yaqin kar ke bhi dil vaqf-e-sad-guman hua hai
burida shaḳh-e-shajar ka shikasta patton ka
tire siva bhi koi mauja-e-ḳhizan hua hai
zara si der ko us ne palaT ke dekha tha
zara si baat ka charcha kahan kahan hua hai
bichhaḌ ke tujh se tha ‘ḳhurshid’ ka Thikana kya
ḳhusha-nasib shab-e-gham ka astan hua hai
Leave a Reply