bhanvar men pair the aur aankh ik sitare par
ulajh rahi thi nazar dusre kinare par
takan odh to len ham nai masafat ki
tarash den na havaen kahin hamare par
na-jane sehr tha kaisa kisi ki ankhon men
ham apne ghar se nikal aae ik ishare par
zamin pe phir koi ja-e-aman mil na saki
mujhe kisi ne bulaya tha ik sitare par
guman ke akhiri pal men yaqin mila hai vo
hamin yahan hain hamin dusre kinare par
Leave a Reply