Ehsan Jafri
tere dar se uThe gham uThate rahe
bazm-e-ḳhvab-e-mohabbat sajate rahe
chalte chalte mile kitne dasht-e-junun
giit ulfat ke ham to sunate rahe
ḳhud to jehd-o-amal se gurezan rahe
naqsh-e-qismat magar vo batate rahe
yuun to tarik thi apni rah-e-safar
ḳhun-e-dil se diye ham jalate rahe
regzaron men husn-e-vafa ka sila
yaar yaron se nazren churate rahe
Leave a Reply