Nizamuddin Nizam
tire baghair kabhi ḳhushbuon se main na mila
chaman ke paas se guzra gulon se main na mila
kisi maqam pe farzangi na raas aa.i
kisi nishast men danishvaron se main na mila
guman tha ki zamin par vo chand utrega
falak pe chalte hue qumqumon se main na mila
main apni zaat ke andhe kuen ka qaidi huun
sitare duur the aur jugnuon se main na mila
‘nizam’ ḳhud ki parastish men aisa nashsha tha
buton ke biich raha but-garon se main na mila
Leave a Reply