Ali Zaryoun
tere aage sar-kashi dikhla.unga?
tu to jo kah de vahi ban ja.unga
ai zaburi phuul ai niile gulab
mat ḳhafa ho main dobara a.unga
saat sadiyan saat raten saat din
ik paheli hai kise samjha.unga
yaar ho jaa.e sahi tujh se mujhe
tere qabze se tujhe chhuḌva.unga
tum bahut ma.asum laḌki ho tumhen
nazm bhejunga dua pahna.unga
koi dariya hai na jangal aur na baagh
main yahan bilkul nahin rah pa.unga
yaad karva.u.ga tujh ko tere zaḳhm
teri saari ne.amaten ginva.unga
chhoḌna us ke liye mushkil na ho
mujh se mat kahna main ye kar ja.unga
main ‘ali’-zaryun huun kaafi hai ye
main zafar-iqbal kyuun ban ja.unga
Leave a Reply