tira ḳhayal musafir ke sa.eban sa hai
zamin-e-ishq ki ḳhatir tu asman sa hai
jo kal talak mire saa.e ka bhi muḳhalif tha
suna hai aaj vo dushman bhi mehrban sa hai
agar ho azm javan ham-safar musafir ke
akela ho ke bhi vo shaḳhs karvan sa hai
vo jis ne joḌ diya vasl ko firaq ke saath
vo lamha dosto na-qabil-e-bayan sa hai
hamare baare men vazeh nahin ḳhayal us ka
kabhi vo ḳhush to kabhi qadre bad-guman sa hai
bapa hai kaisa talatum jigar ki basti men
miri ghazal ka har ik lafz tarjuman sa hai
Leave a Reply