Hasinon Ke Gale Se Lagti Hai Zanjir Sone Ki

hasinon ke gale se lagti hai zanjir sone ki

nazar aati hai kya chamki hui taqdir sone ki

na dil aata hai qaabu men na niind aati hai ankhon men

shab-e-furqat men kyuun kar ban pade tadbir sone ki

yahan bedariyon se khun-e-dil ankhon men aata hai

gulabi karti hai ankhon ko vaan tasir sone ki

bahut bechain huun niind aa rahi hai raat jaati hai

khuda ke vaste jald ab karo tadbir sone ki

ye zarda chiiz hai jo har jagah hai bais-e-shaukat

suni hai alam-e-bala men bhi taamir sone ki

zarurat kya hai rukne ki mire dil se nikalta rah

havas mujh ko nahin ai nala-e-shab-gir sone ki

chhapar-khat yaan jo sone ki banai is se kya hasil

karo ai ghafilo kuchh qabr men tadbir sone ki

Leave a Comment