poet

Tera Humne Jis Ko Talabgar Dekha

tira ham ne jis ko talabgar dekha

use apni hasti se be-zar dekha

ada hi ki hasrat men sab mar gae sach

tajalli ko kis ne ba-takrar dekha

tiri aankh bhar jis ne tasvir dekhi

vo tasvir sa naqsh-e-divar dekha

ajab kuchh zamane ki hai rasm yaaro

jo hai kaam ka us ko bekar dekha

va-lekin achambha bada mujh ko ye hai

ki tuk ‘soz’ ka garm bazar dekha

More Poems

Leave a Comment