Ulfat Batalvi
tera dil bhi mire dil jaisa agar ho jaa.e
kitna asan mire jivan ka safar ho jaa.e
main ne har baar yahi soch ke koshish ki hai
shayad is baar tiri mujh pe nazar ho jaa.e
us ka va.ada hai vo kal sub.h milegi mujh se
dil ye karta hai ki jaldi se sahar ho jaa.e
meri hasrat hai use bahon men bhar lene ki
kaash ab ke vo jab aa.e to jigar ho jaa.e
vo jahan Thahre vahin mere liye manzil ho
us ke qadmon ke nishan mere Dagar ho jaa.e
Leave a Reply