tegh chadh us ki saan par aai
dekhen kis kis ki jaan par aai
ham bhi hazir hain khinchiye shamshir
taba gar imtihan par aai
tuk shikayat ki ab ijazat ho
nahin rukti zaban par aai
puchhiye hal-e-zar ye na kabhu
dil-e-na-mehrban par aai
dil hamara ki ghar ye tera tha
kyuun shikast is makan par aai
kat gai dudman-e-tak ki naak
dukht-e-raz jab dukan par aai
tuk to zalim sambhal khanjar-e-kin
karad ab ustukhvan par aai
alam-e-jan se tu nahin aaya
ek aafat jahan par aai
ghair ke aage dil ki baat ‘bayan’
aah meri zaban par aai
Leave a Reply