Sufi
tasavvur men bhi jis ki justuju karta hai dil mera
usi se hijr men bhi guftugu karta hai dil mera
nadamat se gunahon par jo roti hain kabhi ankhen
inhi pakiza ashkon se vuzu karta hai dil mera
tiri yadon ke khanjar zehn ko jab chaak karte hain
use jhuti tasalli se rafu karta hai dil mera
jasarat dekhne ki jis ko koi bhi nahin karta
usi se do-do baten ru-ba-ru karta hai dil mera
guzare the jo mad-hoshi ke aalam men kabhi ‘sahil’
unhi lamhon ki phir se aarzu karta hai dil mera
Leave a Reply