Baqi Siddiqui
taare dard ke jhonke ban kar aate hain
ham bhi niind ki surat uḌte jaate hain
jab andaz baharon ke yaad aate hain
ham kaghaz par kya kya phuul banate hain
vaqt ka patthar bhari hota jaata hai
ham miTTi ki surat dete jaate hain
kya zarron ka josh saba ne chhin liya
gulshan men kyuun yaad bagule aate hain
duniya ne har baat men kya kya rang bhare
ham saada auraq ulaTte jaate hain
dil nadan hai shayad raah pe aa jaa.e
tum bhi samjhao ham bhi samjhate hain
tum bhi ulTi ulTi baten puchhte ho
ham bhi kaisi kaisi qasmen khate hain
baiTh ke ro.en kis ko fursat hai ‘baqi’
bhule-bisre qisse yaad to aate hain
Leave a Reply