Premi Romani
tanha.iyon ke ghar men raha huun tamam umr
main kis liye duniya men jiya huun tamam umr
tere baghair aaj mujhe lag raha hai yuun
ik ajnabi nagar men basa huun tamam umr
a.ina dekhta hai mujhe a.ine ko main
yuun aks aks TuuT gaya huun tamam umr
andar ki tirgi mujhe kahti hai baar baar
be-fa.eda jahan men jala huun tamam umr
‘premi’ koi jo puchhe mera haal to kahun
duniya men ik tamasha bana huun tamam umr
Leave a Reply