Poet
kabhi hamare liye tegh-e-be-niyam karo
jo dastan hai tumhari use tamam karo
ḳhulus aur mohabbat se nek kaam karo
ye mai-kade hai sabhi ko sharik-e-jam karo
jo mai-kade se nikale ga.e to kya hoga
main mohtasib huun yahan mera ehtiram karo
tumhare qurb se dil ko sukun milta hai
mire qarib hi baiTho na kuchh kalam karo
vo ek shaam ki jis par nisar sub.h-e-azal
vo ek shaam kabhi tum hamare naam karo
kahan najat ki surat hai qaid-e-hasti se
kisi tarah isi zindan men sub.h-o-sham karo
‘habab’ hasti-e-mauhum ka bharosa kya
musafiron ki tarah bas yahan qayam karo
Leave a Reply