raat ko ḳhvab ho ga.i din ko ḳhayal ho ga.i
apne liye to zindagi ek saval ho ga.i
Daal ke ḳhaak chaak par chal diya aaise kuza-gar
jaise numud-e-ḳhushk-o-tar ru-ba-zaval ho ga.i
phuul ne phuul ko chhua jashn-e-visal to hua
ya.ani koi nibah ki rasm bahal ho ga.i
tujh ko kahan se khojta jism zamin pe bojh tha
aḳhir isi takan se ruuh niDhal ho ga.i
kaun tha aisa ham-safar kaun bichhaḌ gaya ‘zafar’
mauj-e-nashat-e-rahguzar vaqf-e-malal ho ga.i
Leave a Reply