Abrar Azmi
tanha udaas shab ke siva koi bhi na tha
sannata aaya jhank ke ghar men chala gaya
be-kaifiyon ki jhiil men be-his se kuchh parind
baithe the thodi der magar is se kya hua
chehron ke maile jismon ke jangal the har jagah
un men kahin bhi koi magar aadmi na tha
vo ajnabi yahi to vo kahta tha chikh kar
mera adhura khvab kahin mujh se kho gaya
chhan chhan ke aa rahi hai kidhar se ye raushni
meri fasil-e-dard ki rifat ko kya hua
Leave a Reply