B S Jain Jauhar
tamam raat chhaton par baras gaya paani
savera hote hi basti men bas gaya paani
piya ki banhon men dulhan ko kas gaya paani
andheri raat men birhan ko Das gaya paani
baḌa hi naaz tha apni ḳhunuk-mizaji par
zamin ke tapte tave par jhulas gaya paani
vo napta raha dharti ke sab nasheb-o-faraz
fareb-e-rahat-e-mandan men phans gaya paani
nahane aa.i thi ganda hai kah ke lauT ga.i
kisi ko chhune ki ḳhatir taras gaya paani
Leave a Reply