tamam ḳhushk dayaron ko aab deta tha
hamara dil bhi kabhi asman jaisa tha
ajiib lagti hai mehnat-kashon ki bad-hali
yahan talak to muqaddar ko haar jaana tha
na.e safar ka har ik moḌ bhi naya tha magar
har ek moḌ pe koi sada.en deta tha
baghair puchhe mire sar men bhar diya maz.hab
main rokta bhi to kaise ki main to bachcha tha
koi bhi shakl ubharna muhal tha yaaro
hamare saaye ke uupar shajar ka saaya tha
tamam umr ḳhud apne pe zulm dhate rahe
mohabbaton ka asar tha ki koi nashsha tha
baḌa sukun mila us se baat kar ke hamen
vo shaḳhs jaise kisi jhiil ka kinara tha
bas ek vaar men duniya ne kar diye TukḌe
miri tarah se mira ishq bhi nihatta tha
alava is ke mujhe aur kuchh malal nahin
vo maan ja.ega is baat ka bharosa tha
Leave a Reply