Arshi Bhopali
tamam husn-e-jahan ka javab ho ke raha
jo dard dil se uTha aftab ho ke raha
vo bargah-e-junun hai nasib-e-ishq-e-vafa
ye dil ye shauq nazar-baryab ho ke raha
vahi safar hai vahi rasm-e-abla-pa.i
yaqin-e-rah mira kamyab ho ke raha
bahut aziiz na kyuun ho ki dard hai tera
ye dard baḌh ke raha iztirab ho ke raha
ajiib chiiz hai ye shauq-e-arzu-mandi
hayat miT ke rahi dil ḳharab ho ke raha
Leave a Reply