Yashab Tamanna
ta.alluq us se agarche mira ḳharab raha
qasam safar ki vahi ek ham-rikab raha
samajh saka na use main qusur mera hai
ki mere samne to vo khuli kitab raha
main ek lafz bhi lekin na paḌh saka us ko
agarche vo bhi mira shamil-e-nisab raha
main ma.arifat ke huun ab us maqam par ki jahan
kiya gunah bhi to ḳhadsha-e-savab raha
haqiqaton se mafar chahi thi ‘yashab’ main ne
par asl asl raha aur ḳhvab ḳhvab raha
Leave a Reply