talKH Lamhat Mein Jiya Hua Hai

talḳh lamhāt meñ jiyā huā hai

maiñ ne ye kaam bhī kiyā huā hai

kyā kuredā hai apne zaḳhmoñ ko

yā koī aur sāneha huā hai

kuchh dinoñ se maiñ iztirāb meñ huuñ

kuchh dinoñ se ye silsila huā hai

aise lahje meñ mujh se baat na kar

āj-kal merā sar phirā huā hai

ek sajda hai tishna-e-masjūd

ek sajda abhī adā huā hai

ab talak zā.iqa nahīñ utrā

maiñ ne ik ghūñT hī piyā huā hai

pyaar meñ ‘roz’ e’tidāl kahāñ

ibtidā kī to intihā huā hai

Leave a Comment