Poet
talib ḳhuda se adl ke ḳhvahan karam ke hain
mazlum ham buton ke jafa-o-sitam ke hain
ummidvar-e-jah na talib hasham ke hain
ham badshah kishvar-e-ishq-e-sanam ke hain
duniya sara hai ham hain musafir Thahar ga.e
mulk-e-baqa se aa.e hain aazim adam ke hain
dil bhi jigar bhi jaan bhi siina bhi ishq men
ye sab makan sadma-o-dard-o-alam ke hain
talib hain ganj-e-vasl ke ik samt men se ye
‘ahqar’ to aaj pher men gahri raqam ke hain
Leave a Reply