Talib KHuda Se Adl Ke KHwahan Karam Ke Hain

tālib ḳhudā se adl ke ḳhvāhāñ karam ke haiñ

mazlūm ham butoñ ke jafā-o-sitam ke haiñ

ummīdvār-e-jāh na tālib hasham ke haiñ

ham bādshāh kishvar-e-ishq-e-sanam ke haiñ

duniyā sarā hai ham haiñ musāfir Thahar ga.e

mulk-e-baqā se aa.e haiñ aazim adam ke haiñ

dil bhī jigar bhī jaan bhī siina bhī ishq meñ

ye sab makān sadma-o-dard-o-alam ke haiñ

tālib haiñ ganj-e-vasl ke ik samt meñ se ye

‘ahqar’ to aaj pher meñ gahrī raqam ke haiñ

Leave a Comment